Koronavırýs: Taǵy bir vaktsına resmı tirkeldi, Londonda tótenshe jaǵdaı jarııalandy
Koronavırýs Ulybrıtanııany jaılap barady. Sońǵy kúnderi munda ınfektsııa juqtyrýdyń buryn-sońdy bolmaǵan kórsetkishi tirkeldi - táýligine 90 myńnan astam.
Bir kún buryn 92,503 jaǵdaı anyqtaldy jáne bul pandemııa kezinde absolıýtti antırekordqa aınaldy.
Omıkronnyń taralýyna baılanysty Patshaıym Elızaveta II otbasylyq Krısmas aldyndaǵy keshki asty ótkizbedi.
«Resmı málimetterge sáıkes shamamen 10 000 adamǵa «omıkron» shtamy dıagnozy qoıylǵan, degenmen Ulybrıtanııada koronavırýstyń jańa mýtatsııasy bar adamdardyń sany eki ese kóp bolýy múmkin» deıdi táýelsiz sarapshylar.
Dúnıejúzilik densaýlyq saqtaý uıymy taǵy bir covid-19 vaktsınasyn qoldanýdy maquldady.
Bul - DDU moıyndaǵan toǵyzynshy preparat. Shuǵyl qoldaný úshin Covovax usynylady, ol Úndistanda amerıkandyq Novavax kompanııasynyń lıtsenzııasy boıynsha shyǵarylady.
«Koronavırýstyń jańa nusqalary paıda bolǵan kezde de, vaktsına adamdardy SARS-CoV-2 aýyr asqynýynan jáne ólimnen qorǵaıtyn tıimdi quraldardyń biri bolyp qala beredi», - deıdi DDU bas dırektorynyń kómekshisi Marıanjela Sımao.
Covovax-ty shuǵyl jaǵdaıda qoldanylatyn vaktsına tizimine qosý tabysy az elderde vaktsınatsııaǵa qoljetimdilikti arttyrýǵa kómektesedi.
M. Sımao 41 el áli de óz halqynyń 10%-yn vaktsınalamaǵanyn, al 98 memleket bul kórsetkishti 40%-ǵa jetkizbegenin habarlady.
London meri Sadyq Han koronavırýstyń omıkron shtamyn juqtyrý jaǵdaılarynyń kóbeıýine baılanysty tótenshe jaǵdaı jarııalady.
Ol sońǵy 24 saǵat ishinde qalada COVID-19 jaǵdaılarynyń 26 myńnan asqanyn atap ótti. Bul - pandemııa bastalǵaly tirkelgen eń joǵary kórsetkish.
Danııada Úkimet omıkronnyń taralýyna qatysty jańa shekteýler engizýdi josparlap otyr.
Atap aıtqanda, elde teatrlardy, kınoteatrlardy, oıyn-saýyq saıabaqtaryn jaýyp, 22:00-den keıin alkogol satýǵa tyıym salýdy kózdep otyr.
AQSh-tyń aýrýlardy baqylaý jáne aldyn alý ortalyqtary basqa elden kelgen saıahatshylarǵa COVID-19 anyqtaý úshin úı jaǵdaıynda júrgizýge bolatyn tegin synaq jıyntyqtaryn bere bastady.
Jıyntyqtardy O ' Hara (Chıkago), Maıamı jáne Mınneapolıs-Sent-Pol áýejaılarynan alýǵa bolady.
