Koronavırýs: Taǵy 250-ge jýyq qazaqstandyq shetelden anyqtamasyz ushyp keldi
NUR-SULTAN. QazAqparat - 4 aqpan kúni Qazaqstan aýmaǵyna Germanııa, Maldıv, BAÁ, Mysyr, Túrkııa, Reseı, Qyrǵyzstan jáne Ózbekstan elderinen 20 halyqaralyq áýe reısi ushyp keldi, dep habarlaıdy QazAqparat.
QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, ótken bir táýlikte elimizge barlyǵy 2 055 jolaýshy ushyp keldi. Olardyń 1 806-synda koronavırýsqa PTR-testileýdiń teris nátıjesi bar anyqtama bolǵan. Qalǵan 249-ynda anyqtama bolmaǵan, barlyǵy da – QR azamattary.
Atap aıtqanda:
- Almaty qalasynyń áýejaıyna – 12 reıs, 1 149 jolaýshy, anyqtamamen - 1 043, anyqtamasyz - 106;
- Nur-Sultan qalasynyń áýejaıyna – 7 reıs, 811 jolaýshy, anyqtamamen - 668; anyqtamasyz - 143;
- Atyraý qalasynyń áýejaıyna – 1 reıs, barlyq 95 jolaýshy anyqtamamen kelgen.
«Anyqtama bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi mınıstrlikten.
Sondaı-aq aqparatqa sáıkes, 3 aqpanda shetelden anyqtamasyz kelgen Qazaqstan azamattarynyń PTR-taldaý nátıjeleri daıyn bolǵan - barlyq 247 jolaýshyda koronavırýs ınfektsııasy anyqtalǵan joq.
Eske salaıyq, 4 aqpanda 247 qazaqstandyq shetelden PTR-anyqtamasyz ushyp kelgen bolatyn.
