Koronavırýs: Statsıonarlarda 2 myńǵa jýyq naýqas jatyr

NUR-SULTAN. QazAqparat - QR Densaýlyq saqtaý mınıstrligi koronavırýspen aýyrǵandarǵa qatysty 29 qyrkúıektegi aqparatty jarııalady, dep habarlaıdy QazAqparat tilshisi.

«Qazirgi ýaqytta koronavırýstyq ınfektsııadan 3 300 adam em qabyldaýdy jalǵastyrýda. Olardyń arasynda 46 óskinshek bala bar. Statsıonarlarda 1 906 naýqas jatyr. 1 394 adam ambýlatorııalyq jaǵdaıda emdelýde.

Jalpy naýqastardyń arasynda 92 adamnyń ahýaly nashar. Sonyń ishinde 12 naýqastyń ahýaly asa qatty aýyr dep baǵalanýda. 21 naýqas ókpeni jasandy jeldetý apparatynda jatyr», - dedi mınıstrliktiń baspasóz qyzmeti.
Aıta ketsek, QR Densaýlyq saqtaý mınıstrligi buǵan deıin de táýliktik nátıjeler týraly aqparatty úzbeı jarııalap keledi.