Koronavırýs sozymaly, onkologııalyq aýrýlary bar adamdar úshin qaýipti - maman pikiri
«Vırýs qannyń uıǵyshtyǵyna áser etedi. Kishkentaı-kishkentaı trombtar paıda bolady. Aǵzada aınalym oryn alady. Aldymen qolqadan bastalyp, onyń dıametri 5 santımetrdi quraıdy. Odan keıin dıametri 1 santıaetr bolatyn kúretamyrǵa, sonan soń qyltamyrǵa, mıkrokapıllıarǵa jalǵasady. Osy kishentaı trombtar aǵza arqyly ótip, tamyrdyń jińishke jerine turyp qalady. Bul negizinen ókpe júıesine qatysty. Trombtar qyltamyrlardy bitep tastap, sonyń saldarynan ókpede gaz almasý bolmaı qalady. ıAǵnı, eń aldymen ókpe zardap shegip, adamnyń tynysy alýy qıyndaı bastaıdy. Koronavırýs ınfektsııasynyń ótý mehanızmi mine osyndaı», - dep túsindiredi dáriger.
Onyń atap ótýinshe, ókpe zaǵymdanǵannan keıin onyń jumysyn qaıta qalpyna keltirý óte qıynǵa soǵady.
«Koronavırýsqa aǵzanyń álsiz bolǵany qajet. Adamdardyń barlyǵy birdeı 100 paıyz aýyrmaıdy. Patsıentterdiń 5-6 paıyzy aýrýǵa shaldyǵady. Demek, 100 adamnyń ishinde 5-6 adam aýrýy múmkin. Qalǵandary aýyrmaıdy. Álemde de dál osyndaı jaǵdaı oryn alyp otyr. Sondyqtan aǵzada ózgeris qalaı oryn alatyndyǵyn bilip otyrý úshin halyq arasynda aqparattandyrý jumysyn júrgizip, olardyń óz problemalaryn der ýaqytynda anyqtap, emdelýine jaǵdaı jasaý qajet. Bul halyqtyń aýrý juqtyryp alýynyń aldyn alý dep atalady», - dedi Nurlybek Úderbaev.
Sonymen qatar bilikti dáriger qaı sanattaǵy adamdar koronavırýs ınfektsııasyn juqtyryp alýdan saq bolýy kerektigin basa aıtty.
«Koronavırýs sozymaly aýrýlary, onkologııalyq aýrýlary bar adamdar úshin óte qaýipti. Olarda birinshi kezekte vırýs juqtyryp alý patologııasy bolady. Qazirgi ýaqytta vaktsınany eń aldymen ımmýndyq júıesi buzylǵan patsıentterge emes saý adamdarǵa salǵan durys. Al ımmýndyq júıesi buzylǵan adamdardy dári-dármekpen, ózge de preparattarmen emdegen jón», - dedi medıtsına ǵylymdarynyń doktory.
Al pýlmonolog dáriger Konstantın Garkalovtyń aıtýynsha, ókpedegi belgiler ınfektsııa juqqannan keıingi jetinshi-segizinshi kúnde baıqalady. Jetinshi kúnde kompıýterlik tomografııadan ókpeniń zaqymdanýyn tek 7-8 paıyz deńgeıinde kórýge bolady, al 14-shi kúnge qaraı ókpe 50 paıyzǵa deıin zaqymdanýy múmkin.
«Kompıýterlik tomografııany jótel men entigý paıda bolǵanda jasaý kerek. Ókpeniń zaqymdanýy kórsetkishi naýqas jaǵdaıynyń aýyrlyǵyn kórsetpeıdi, sebebi indetpen qatar trombovaskýlıt júredi. Bul turǵyda qan qoıýlanyp, trombtar paıda bolady. Osy kórsetkishterge adamnyń densaýlyq jaǵdaı tikeleı baılanysty. Keıbir naýqastarda ókpesi 60-70 paıyzǵa zaqymdanǵanymen, ottek satýratsııasy jaqsy deńgeıde kórinedi. Sonymen qatar ókpe tini 30 paıyzǵa zaqymdanǵan keıbir adamdarda ottek satýratsııasy 85-ke deıin tómendegen jaǵdaılar kezdesti. Óıtkeni tamyrlarda qannyń aınalymy baıaýlap, keri áseri bolady», - dedi ol.
Pýlmonolog dáriger Sattar Eralıev KVI-diń aýyr túrlerinde ókpe ǵana emes, mı jáne vegetatıvti nervter, baýyr jáne uıqy bezi, búırek zaqymdanatyndyǵyna nazar aýdartady.
«Qazir mınıstrliktiń tapsyrmasy boıynsha, jergilikti emhanalarda reabılıtatsııalyq bólimsheler quryldy. Sol jerde baryp keńes alǵan durys. KVI-dan keıin ımmýnıtet tómendeıdi. Sondyqtan tumaýǵa qarsy vaktsına saldyrǵan durys. Jasy kelgen, ıaǵnı 65-ten asqan kisiler dıabetpen, ókpeniń sozylmaly obstrýktıvti aýrýymen aýyratyn kisilerge pnevmokokk ınfektsııasyna qarsy vaktsına saldyrǵan jón»,– dedi dáriger.