Koronavırýs: SQO-da messendjer arqyly jalǵan aqparat tarap jatyr
PETROPAVL. QazAqparat – Soltústik Qazaqstan oblysynda WhatsApp messendjeri arqyly aýdan turǵyndaryna qaýipti ekpe usynylyp jatqany týraly habarlama taraǵan, dep habarlaıdy QazAqparat tilshisi.
Habarlamada soltústikqazaqstandyqtardy eshkimge esik ashpaýǵa, ásirese vırýstyq ınfektsııaǵa test jasap, ekpe qoıamyz dep keletin dárigerler men polıtseılerdi úıge kirgizbeýge shaqyrǵan. Taraǵan mátin boıynsha, bul ekpe adam ómiri úshin qaýipti.
«Soltústik Qazaqstan oblystyq polıtsııa departamenti resmı túrde málimdeıdi: bul jalǵan aqparat. Polıtsııa páterlerdi tekseretin dárigermen birge júrmeıdi, olar tótenshe jaǵdaı kezinde qoǵamdyq tártip pen jol qaýipsizdigin qamtamasyz etedi. TJ ýaqytynda tártip saqshylary táýlik boıy blokposttarda turyp, koronavırýs ınfektsııasy oshaqtaryn qorǵaıdy», - dep málim etti polıtsııa departamenti basshysynyń birinshi orynbasary Qanat Aıtbaev.
Polıtseıler turǵyndardy tek resmı derekkózder taratqan tekserilgen aqparatqa ǵana senýge jáne buqaralyq aqparat quraldaryn kúmándi habarlamalardy taratpaýǵa shaqyrady. Jalǵan aqparat taratqany úshin qylmystyq jaýapkershilik qarastyrylǵan.
