Koronavırýs: SQO-da boıjetkenniń jeke málimetteri qalaı jarııa bolǵany tekserilýde
PETROPAVL. QazAqparat - Soltústik Qazaqstan oblysynda polıtseıler koronavırýsqa shaldyqqan bolýy múmkin degen kúdikke ilingen boıjetkenniń jeke derekteri áleýmettik jelide qalaı paıda bolǵanyn tekserip jatyr, dep habarlaıdy QazAqparat tilshisi.
Messendjerler arqyly boıjetkenniń aty-jóni, mekenjaıy, analız nátıjeleri taraǵan. Keıinirek áleýmettik jelide boıjetken turatyn úıdiń qorshaýǵa alynǵan kireberisiniń sýretteri paıda boldy.
«Petropavl qalalyq polıtsııa basqarmasyna 27 jastaǵy boıjetken belgisiz bireýlerdiń messendjerlerde onyń jeke derekterin taratqanyn aıtyp, shaǵym túsirgen. Bul fakti Sotqa deıingi tergeýdiń biryńǵaı reestrine «Derbes derekter men olardy qorǵaý týraly QR zańnamasy men jeke ómirge qol suǵylmaýshylyqty buzý» qylmystyq baby boıynsha tirkeldi», - dep túsindirdi oblystyq polıtsııa departamentiniń baspasóz qyzmetinen.
