Koronavırýs: Sıngapýr banki 300 adamdy evakýatsııalady
NUR-SULTAN. QazAqparat - Sıngapýr banki bir qyzmetkerinen koronavırýs anyqtaǵannan keıin 300 adamdy evakýatsııalady, dep habarlaıdy QazAqparat VVS-ge silteme jasap.
«Evakýatsııalanǵan 300 adam koronavırýsqa shaldyqqan qyzmetkermen bir qabatta jumys istegen. Olarǵa úıden jumys isteýge múmkindik berildi», - dep jazady VVS.
Basylymnyń habarlaýynsha, bank aýrýǵa shaldyqqan adamǵa barynsha qoldaý kórsetetinin málimdegen. Sonymen qatar ol adammen qarym-qatynasta bolǵandar tekserilip jatyr.
Aıta ketý kerek, Sıngapýrde koronavırýsqa shaldyqqandar sany 47-ge jetti. Bul Qytaıdan tys jerdegi eń úlken kósetkish. Jalpy Qytaıda 44 myńnan astam adam koronavırýsqa shaldyqqan. Sonymen qatar álemniń 20 elinde koronavırýs dıagnozy qoıylǵan adamdar bar. Al sársenbi kúni Qytaı bıligi sońǵy eki aptada koronavırýs juqtyrýdyń jańa jaǵdaıy az tirkelgenin málimdedi.
