Koronavırýs: Shymkentte 7 myńǵa tarta adamǵa erikti túrde vaktsına salynǵan
Qalalyq densaýlyq saqtaý basqarmasynyń málimetinshe, búginge deıin 4301 medıtsına qyzmetkeri men 2101 pedagog ekpe saldyrǵan.
Al, 161 polıtsııa qyzmetkeri men 299 basqada sanattaǵy azammattar vaktsına qabyldaýǵa kelisken.
Qazirgi tańda ınfektsııaǵa qarsy vaktsınatsııalaý jumystary qaladaǵy 21 emdeý mekemesinde júrgizilýde.
Buǵan qosa naýryz aıynyń sońyna deıin qosymsha 10 bastapqy medıtsınalyq-sanıtarııalyq alǵashqy kómek uıymdarynda vaktsınatsııa jasaý úshin arnaıy kabınetter ashylmaq.
Sanıtarlyq-epıdemıologııalyq baqylaý departamenti densaýlyq saqtaý basqarmasymen birlesip, BMSK uıymdarynyń 450 medıtsına qyzmetkeri úshin vaktsınatsııa máseleleri boıynsha trenıng semınarlar ótkizdi.
Budan bólek, turǵyndar arasynda aqparattyq túsindirý jumysyn júrgizý sharalary josparly túrde júzege asyrylýda.
Aıta keteıik, vaktsınalaýǵa profılaktıkalyq egýge qarsy kórsetkishi joq adamdar jiberiledi.
Ekpe qabyldamas buryn ár adam mindetti túrde medıtsınalyq tekserýden ótkiziledi.