Koronavırýs shyqqan eldiń júk kóliginiń júrgizýshisi Qazaqstan aýmaǵyna jiberilmeıdi
NUR-SULTAN. QazAqparat – Qazaqstannyń shekara qyzmeti COVID-19 pandemııasyna qarsy qosymsha sharalar qoldanady, dep habarlaıdy QazAqparat QR UQK baspasóz qyzmetine silteme jasap.
«Qazaqstan Respýblıkasy Úkimeti janyndaǵy Vedomstvoaralyq komıssııanyń sheshimi boıynsha kelesi ózgerister engizilgen:
-Qazaqstan Respýblıkasy (sonyń ishinde tranzıttik sapar) aýmaǵyna kirer kezde ótkizý beketine jetkende 1a) jáne 1b) sanatyndaǵy elderden kelgen júrgizýshiler, sondaı-aq 1a) jáne 1b) sanatyndaǵy elderde sońǵy 15 táýlik ishinde bolǵan júrgizýshiler jetkizgen júkter tek karantındik jáne sanıtarlyq-epıdemıologııalyq normalardyń saqtalýymen avtomobıl beketi aýmaǵynda júrgizýshini aýystyrý, nemese qazaqstandyq júk kóligine aýystyrý jaǵdaıynda ǵana ótkiziledi.
Buǵan deıin Shekara qyzmeti 2020 jylǵy 16 naýryzda saǵat 08:00-de Qazaqstan Respýblıkasynda tótenshe jaǵdaıdyń engizilýine baılanysty QR azamattary, shetel azamattary, sondaı-aq syrtqy ekonomıkalyq qyzmet qatysýshylaryna memlekettik shekara arqyly kirý-shyǵýǵa shekteý qoıylǵany týraly aqparat taratty.
