Koronavırýs: ShQO turǵyndarynyń 60 paıyzdan astamy vaktsına aldy
Qyrkúıek aıynyń basynan beri oblysta koronavırýs juqtyrǵandar sany birshama azaıǵan. Aımaq basshysy Danıal Ahmetovtiń aıtýynsha, búgingi tańda halyqtyń 62,2%-y tolyqtaı vaktsınatsııa protsedýrasynan ótti. Al jurtshylyqtyń 78%-y ekpeniń 1-shi komponentin alǵan.
«Osy oraıda jumysty ary qaraı jalǵastyrýymyz kerek. Ujymdyq ımmýnıtettiń arqasynda ǵana qalypty ómir saltyna qaıta orala alamyz. Óńirdegi medıtsınalyq mekemelerde tósek-oryn jetkilikti. Dárigerler úshin jeke qorǵanys quraldarynyń qory da tolyq. 18 kompıýterlik tomograf, 67 rentgen jáne 370 ÓJJ apparaty táýlik boıy jumys isteıdi. PTR testileýdi 20 zerthana júrgizedi», - dedi oblys ákimi.
Aımaqtaǵy pandemııa jaǵdaıynda densaýlyq saqtaý júıesiniń sapasy men tıimdiligin arttyrýǵa erekshe nazar aýdarylǵan. Bıyl Semeıde ıadrolyq medıtsına jáne onkologııa ortalyǵy iske qosyldy. Jyl sońynda balalardy ońaltý jáne katamnez ortalyǵy óz jumysyn bastamaq. Sondaı-aq Óskemende gematologııa ortalyǵynyń qurylysy jalǵasýda.
