Koronavırýs: ShQO statsıonarlarynda qansha naýqas emdelýde

ÓSKEMEN. QazAqparat – Shyǵys Qazaqstan oblysynda ınfektsııalyq statsıonarlarda 30 adam koronavırýstan emdelip jatyr, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlikte COVID-19 indetin juqtyrǵan 4 adam tirkeldi.

«Bir kúnde 14 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 30 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 2,4 paıyzdy quraıdy. Jalpy pandemııa bastalǵaly beri aımaq boıynsha 59 592 adam vırýs juqtyrǵan», - delingen aqparatta.

Eske salsaq, ótken táýlikte elimizde 32 adamnan koronavırýs ınfektsııasy anyqtalǵany habarlandy.