Koronavırýs: ShQO-daǵy statsıonarlarda 53 adam emdelip jatyr

ÓSKEMEN. QazAqparat – Shyǵys Qazaqstan oblysyndaǵy statsıonarlarda 53 adam koronavırýstan emdelip jatyr, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyn juqtyrǵandar azaıyp keledi.

«Sońǵy táýlikte birde bir adam qaýipti dertke shaldyqpady. Al 2 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 53 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 4,5 paıyzdy quraıdy», - delingen aqparatta.

Esterińizge sala ketsek, osyǵan deıin elimizde ótken táýlikte 18 adamnan koronavırýs ınfektsııasynyń anyqtalǵany habarlandy.