Koronavırýs: ShQO-da statsıonarlardaǵy tósek qorynyń júktemesi – 15,7%
ÓSKEMEN. QazAqparat – Shyǵys Qazaqstan oblysynda statsıonarlardaǵy tósek qorynyń júktemesi 15,7%-dy quraıdy, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, sońǵy táýlikte óńir boıynsha koronavırýs ınfektsııasynyń belgileri bar pnevmonııanyń 83 jaǵdaıy tirkeldi. Al 61 adam vırýstan emdelip shyqqan.
«Oblys boıynsha 8 sımptomsyz vırýs tasýshy úı karantınin aıaqtady. Statsıonarlardaǵy jalpy tósek qorynyń júktemesi – 15,7% qurap otyr.
Ótken jyldan bastap Shyǵys Qazaqstanda barlyǵy 48 451 adam juqpaly dertpen aýyrǵan. Jazylyp shyqqandar sany – 34 532 adamdy quraıdy», - delingen aqparatta.
Esterińizge sala ketsek, osyǵan deıin ShQO-da vaktsına saldyrǵandar sany 900 myńǵa jýyqtaǵanyn habarlaǵan bolatynbyz.
