Koronavırýs: ShQO-da naýqastarǵa 300 dozadan astam ımmýndyq plazma quıyldy
ÓSKEMEN. QazAqparat – Shyǵys Qazaqstan oblysynda qaýipti dertke shaldyqqan naýqastarǵa 300 dozadan astam ımmýndyq plazma quıylǵan, dep habarlaıdy QazAqparat tilshisi.
ShQO óńirlik kommýnıkatsııalar qyzmetinde onlaın formatta ótken baspasóz konferentsııasynda oblystyq Densaýlyq saqtaý basqarmasynyń ókili Asqar Horoshash COVID-19 ınfektsııasyn juqtyrǵan patsıentterdi emdeý úshin koronavırýstan jazylyp shyqqandardyń qan plazmasyn quıý ádisiniń qoldanyla bastaǵanyn aıtty.
«Búgingi tańda ártúrli qan toptaryndaǵy plazmanyń 3 myńnan astam dozasy daıyndaldy. Qazirgi ýaqytta 150 patsıentke 344 doza plazma quıylǵan», - dedi ol.
Asqar Horoshashtyń aıtýynsha, ımmýndyq plazmanyń durys saqtalýyn qamtamasyz etý úshin jyl sońyna deıin Óskemen jáne Semeı qalalarynyń eki qan ortalyǵyna 20 muzdatqysh kamera satyp alý josparlanǵan. Budan bólek, aýdandyq aýrýhanalarǵa qosymsha 15 arnaıy muzdatqysh pen 19 plazmalyq muzdatqysh satyp alynbaq.
Esterińizge sala ketsek, osyǵan deıin Shyǵys Qazaqstanda 400-den astam mobıldi jedel járdem brıgadasy qurylǵany habarlanǵan.
