Koronavırýs: ShQO-da mádenı sharalar keıingi shegerilýde
ÓSKEMEN. QazAqparat – Shyǵys Qazaqstan oblysynyń ákimdigi álemde koronavırýstyń taralýyna baılanysty turaqty epıdemıologııalyq jaǵdaıdy saqtaý úshin kóp adam shoǵyrlanatyn sharalardy shegerýdi usyndy, dep habarlaıdy QazAqparat.
«Oblys ákimi apparaty basshysynyń qoly qoıylǵan usynymhat barlyq mekemeler men kásiporyndarǵa jiberilgen», - deıdi oblys ákiminiń baspasóz hatshysy Aıgúl Bazarova.
Osyǵan oraı ShQO Drama teatrynda 9 naýryzǵa deıin josparlanǵan qoıylymdar ótpeıtin boldy. Bul jaıly mádenıet ordasynyń resmı saıtynda jarııalanǵan.
«Epıdemıologııalyq jaǵdaıdy saqtaý maqsatynda 4-9 naýryz kúnderi aralyǵyna josparlanǵan qoıylymdar keıinge shegerilgenin habarlaımyz. Keltirilgen yńǵaısyzdyqtar úshin keshirim suraımyz. Bıletterdi teatr kassasyna ótkizýlerińizge bolady, - dep habarlady Teatr ákimshiligi.
Sondaı-aq ShQO Óner mýzeıindegi jáne A.Pýshkın atyndaǵy oblystyq kitaphanadaǵy sharalar keıinge qaldyrylǵan.
