Koronavırýs: ShQO-da ımmýndyq plazmanyń 3 myńnan astam dozasy jınalǵan
Bul jaıly oblys ákimi Danıal Ahmetov óziniń Instagram jelisindegi jeke paraqshasynda jazdy.
«Qazirgi tańda óńir boıynsha ımmýndyq plazmanynyń 3063 dozasy jınaldy. Endi ony kezeń-kezeńmen qoldaný jumystary júrip jatyr. Osy ýaqytqa deıin Semeıde 41, Óskemende 72 doza qoldanylǵan. Sondaı-aq Altaı aýdanynyń alty naýqasyna 12 doza salyndy. Osy rette, Densaýlyq saqtaý basqarmasyna antıdenelerdi belsendi paıdalanýdy tapsyrdym», - dedi ol.
Aımaq basshynyń aıtýynsha, búginde oblystyń ınfektsııalyq bólimderinde em qabyldap jatqan 37 naýqas aýyr halde, onyń úsheýi jasandy tynys alý apparatyna qosylǵan.
«Jalpy koronavırýs indetinen jazylyp shyqqan azamattardyń plazmasyn qoldaný tásili ár adamnyń jaǵdaıyna baılanysty. Sondyqtan bizdiń dárigerler emdeýdiń osy ádisin odan ary tereń zertteýdi jalǵastyrýy qajet. Qazirgi ýaqytta búkil álemde ımmýndy plazmany COVID-19 juqtyrǵan aýyr jaǵdaıdaǵy naýqastardy emdeýge belsendi túrde qoldanýda», - dedi Danıal Ahmetov.
Esterińizge sala ketsek, Shyǵys Qazaqstan koronavırýstyń taralý qarqyny boıynsha «qyzyl aımaqqa» kirgen bolatyn.