Koronavırýs: ShQO-da aýylsharýashylyq jármeńkeleri ótpeıtin boldy
ÓSKEMEN. QazAqparat – Shyǵys Qazaqstan oblysynda koronavırýstyń aldyn alý maqsatynda aýyl sharýashylyǵy ónimderiniń jármeńkesi ótkizilmeıtin boldy, dep habarlaıdy QazAqparat.
«Óńirimizde áleýmettik mańyzy bar 19 azyq-túliktiń bári óndiriledi. Biz «Nur Otan» partııasymen birlese otyryp, baǵanyń qymbattaýyna jol bermes úshin únemi monıtorıng júrgizýdemiz. Sondaı-aq sút óńdeý kásiporyndaryn shıkizatpen qamtamasyz etý maqsatynda kún saıyn 218 tonnadan astam sút jetkizilýde. Kún saıyn bazarlar men dúkenderge 106 tonna sıyr eti jetkiziledi», - dedi oblystyq aýyl sharýashyǵy basqarmasynyń basshysy Erjan Nurbaev ShQO Aqparattyq ortalyǵynda ótken brıfıng barysynda.
Onyń aıtýynsha, aımaqtaǵy barlyq óndiris oryndarynda sanıtarlyq qaýipsizdikti saqtaýǵa basa nazar aýdarylyp jatyr. Aptasyna bir ret qala jáne aýdan ortalyqtarynda uıymdastyrylatyn aýyl sharýashylyǵy ónimderiniń jármeńkesi de ýaqytsha ótkizilmeıtin boldy.
