Koronavırýs shashtyń túsýine alyp kele me - dáriger pikiri
ALMATY. QazAqparat – Qazir halyq arasynda koronavırýstan keıin shashtyń túsýi jıileıdi degen pikirler kezdesedi. Osy oraıda atalǵan taqyryp tóńiregindegi saýaldarǵa bas terisi aýrýlaryn emdeýmen aınalysatyn trıholog dáriger Delnur Qambarova jaýap berdi, dep habarlaıdy QazAqparat tilshisi.
«Sońǵy ýaqytta bizdiń ortalyqqa shash túsýi máselesimen emdelýge keletinder kóbeıdi. Bul kezdeısoq jaǵdaı emes. Sebebi koronavırýspen aýyrǵan naýqastarda shashtyń túsýi jıi kezdesedi. Іndet organızmdegi túrli vırýstarǵa qarsy turatyn ımmýndyq júıeni joıyp jiberedi. Sondaı-aq, aǵzadaǵy usaq tamyrlardy zaqymdaıdy. ıAǵnı, kapıllıar tamyrlarda tromboz (qan aınalymynyń baıaýlaýy) paıda bolady. Al shash negizgi qoregin osy usaq tamyrlar arqyly alady.
Bizdiń kúnedelikti ishetin taǵamdardyń qunary qan quramyna túsip, birinshi rette júrek, búırek jáne ókpege baǵyttalady. Al odan qalǵan qan quramyndaǵy nárli zattar usaq tamyrlar arqyly bas terisine barady.
Al koronavırýsqa shaldyqqandardyń qany uıyp, saldarynan kapıllıar tamyrlar biteledi. Osy kezeńde shash qajetti qoregin ala almaıdy. Bul shashtyń erte túsýine alyp keledi», - deıdi Delnur Abdýkaharqyzy.
Trıholog mamannyń aıtýynsha, koronavırýstan emdelip shyqqan naýqasta shashtyń túsýi 3-5 aıdan soń bastalady.
«Elimizde koronavırýs ınfektsııasy maýsym-shilde aılarynda órshidi. Osy aralyqta indetke shaldyqqan adamdar shash túsýiniń jıilegenin tek endi baıqap jatyr. Bul dert jas ereksheligine qaramastan kóbinde kezdesedi.
Degenmen, qobaljýdyń qajeti joq. Sebebi koronavırýs saldarynan paıda bolǵan shash túsý aýrýy emdeledi. Tek der kezinde dáriger kómegine júginseńiz bolǵany. Mamandar keshendi em arqyly qan aınalymyn rettep, durys tamaqtaný joldaryn usynady.
Qazir boıynda qorektik zattary mol taǵamdardy tutynǵan jón. Quramynda qanty bar gazdalǵan sýsyndardan bas tartý kerek.
Óıtkeni mundaı sýsyndardyń quramyndaǵy zııandy zattar tamyrdy bitep, qan aınalymy júıesin buzady. Sonymen qatar, fastfýd jáne jartylaı daıyn ónimderden de bas tartqan abzal.
Kerisinshe qoı etin jáne sút ónimderin jıi tutynǵanymyz durys. Іndetten qorqyp, kúızeliske túsýdiń qajeti joq. Sebebi stresske boı aldyrǵan adamnyń bas terisindegi usaq tamyrlary qalypty jumys isteýin toqtatady» , - dep atap ótti Delnur Qambarova.
Dáriger pikirinshe, taza aýada serýendep, dene shynyqtyrý jattyǵýlaryn jasaý qan aınalymyn retteýge kómektesedi.
Sondaı-aq D dárýmenin qoldaný ımmýndyq júıeni qalypqa keltirýge yqpal etedi.
Degenmen mamandar úıde óz betinshe em almaı, birinshi kezekte dáriger kómegine júginýge keńes beredi.
