Koronavırýs: Semeıde 500-den astam naýqas úı karantıninde jatyr

SEMEI. QazAqparat – Semeı qalasynda 540 adam úı karantıninde jatyr, dep habarlaıdy QazAqparat tilshisi.

Qalalyq aqparat ortalyǵynyń málimetine súıensek, sanıtarııalyq-epıdemıologııalyq baqylaý basqarmasynyń qyzmetkerleri úıde oqshaýlanǵan azamattarǵa kún saıyn baqylaý júrgizedi.

Mundaǵy maqsat – karantın shekteýleriniń saqtalýyn tekserý.

«Búginde karantın talaptaryn saqtaý óte mańyzdy. Óıtkeni úıde oqshaýlanǵan adam ózi bilmeı vırýs tasymaldaýshysy bolýy múmkin. Kún saıyn ár úıdi aralap, karantınniń qalaı saqtalyp jatqandyǵyn tekseremiz. Ár adamǵa psıhologııalyq turǵyda kómek te kórsetilýde», - dedi Semeı qalalyq sanıtarııalyq-epıdemıologııalyq baqylaý basqarmasynyń bas mamany Janar Keńesqyzy.

Búgingi tańda shahar boıynsha 130 oshaqta 540 adam oqshaýlanǵan.

Mamandar olardyń árqaısynan 14 kún ishinde karantındi saqtaý týraly qolhat alady.

Eger bul talapqa baǵynbasa, aıyppul salynady.