Koronavırýs saldarynan Qytaıdyń 13 qalasy karantınge jabyldy

NUR-SULTAN. QazAqparat – Koronavırýs saldarynan Qytaıdyń 13 qalasynda karantın jarııalandy, dep habarlaıdy QazAqparat.

Qytaılyq sina.com portalynyń habarlaýynsha, 23 qańtar kúni jergilikti ýaqyt boıynsha 10:00-de Hýbeı provıntsııanyń ortalyǵy Ýhan qalasynda karantın jarııalanǵan bolatyn. Al búgin 24 qańtarda jergilikti ýaqytpen saǵat 12:00-ge deıin Hýbeı provıntsııasynyń ózge Echjoý, Sıantao, Chjıtszıan, Tsıantszıan, Hýangan, Chıbı, Tszınmen, Sıannın, Hýanshı, Dangıan, Enshı jáne Sıaogan syndy 12 qalasy karantınge jabyldy.

Aıta keterligi, karantın jarııalanǵan qalalardyń barlyǵynda jol-kólik qatynasy toqtatylyp, turǵyndardyń úıinen kóp shyqpaýǵa keńes berilgen.