Koronavırýs: Reseıde júrgen qazaqstandyqtar elimizdiń qaı qalalaryna jetkiziledi

NUR-SULTAN. QazAqparat – Qazaqstannyń bas memlekettik sanıtar dárigeri Aıjan Esmaǵambetova Reseıde júrgen qazaqstandyqtar elimizdiń qaı qalalaryna jetkiziletinin aıtty, dep habarlaıdy QazAqparat tilshisi.

«Densaýlyq saqtaý mınıstrligi Syrtqy ister mınıstrligimen birlesip, Reseıde júrgen bizdiń azamattardy qaıtarý máselesin pysyqtaýda. Osy oraıda birlesken jospar ázirlenip, onda azamattarymyzdy áýe, temirjol kólikterimen ári avtobýs arqyly alyp kelý qarastyrylǵan. Qazirgi kezde tizim men qozǵalys baǵdarlary naqtylanýda. Ázirge, osy baǵdarlar Nur-Sultanǵa, Almatyǵa, Shymkentke, Qostanaıǵa jáne Aqtaýǵa baǵyttalǵan. Bul sońǵy tizim emes, sebebi baǵdarlar men azamattar sany áli de pysyqtalýda», - dedi A. Esmaǵambetova onlaın baspasóz máslıhatynda.

Onyń sózine qaraǵanda, Qazaqstanǵa oralǵysy keletin barlyq azamattar elshiliktiń kómegine júginedi. Osydan keıin elshilik Syrtqy ister mınıstrligimen berge tizim qurady. Sáıkesinshe, azamattar jetkiziletin kólik túri aıqyndalady.

Budan buryn habarlanǵandaı, mamyr aıynda Reseıden 6 myńnan asa azamatymyzdy alyp kelý josparlanýda.