Koronavırýs: Polıtsııa naýqastarmen baılanysta bolýy yqtımal 47 adamdy izdestirip jatyr
NUR-SULTAN. QazAqparat - Densaýlyq saqtaý organdarynyń suranysymen Іshki ister mınıstrligi 3800 adamdy izdestirdi. Qazir 47 adamnyń turǵylyqty orny anyqtalyp jatyr. Bul týraly QR Іshki ister mınıstri Erlan Turǵymbaev aıtyp berdi, dep habarlaıdy QazAqparat.
«Bastapqy kúnderden beri polıtseıler men áskerıler de dárigerlermen bir qatarda aldyńǵy shepte qyzmet etip keledi. Karantın aýmaǵynda aýrý oshaqtaryn oqshaýlaý boıynsha arnaıy sharalar júrgizildi», - dep atap ótti mınıstr Ortalyq kommýnıkatsııalar qyzmetinde ótken brıfıngte.
Onyń aıtýynsha, qazirgi ýaqytta 31 nysan qorshaýǵa alynǵan. Olardyń arasynda turǵyn úıler, jeke kireberister jáne jataqhanalar bar.
«Koronavırýs ınfektsııasyn juqtyrǵan naýqastarmen baılanysta bolýy yqtımal tulǵalardy izdestirip, medıtsınalyq mekemege jetkizip jatyrmyz. Densaýlyq saqtaý organdarynyń suranysymen 3800 adam izdestirildi. Qazir 47 adamnyń ornalasqan jeri anyqtalýda», - dedi E. Turǵymbaev.
