Koronavırýs pnevmonııasynan 16 adam aıyqty

NUR-SULTAN. QazAqparat – Qazaqstanda koronavırýs ınfektsııasynyń belgileri bar pnevmonııaǵa shaldyǵýdyń jańa derekteri tirkelmedi. Bul týraly koronavırýstyń aldyn alý jónindegi vedomstvoaralyq komıssııadan málim etti, dep habarlaıdy QazAqparat.

Málimetke súıensek, 7 mamyrdaǵy táýlik ishinde koronavırýs pnevmonııasynan 16 adam emdelip shyqty.

Jalpy byltyrǵy 13 naýryzdan koronavırýs pnevmonııasy 89 040 adamnan anyqtaldy, sonyń ishinde jazylyp shyqty – 82 910, qaıtys boldy – 5 353 naýqas.