Koronavırýs pnevmonııasynan 1 adam kóz jumdy – mınıstrlik

ASTANA. QazAqparat – Qazaqstanda koronavırýs pnevmonııasynan 1 adam qaıtys boldy, dep habarlaıdy QazAqparat Densaýlyq saqtaý mınıstrligine silteme jasap.

Vedomstvo málimetine súıensek, el óńirlerinde koronavırýsty bir táýlikte taǵy 114 adam, koronavırýs belgileri bar pnevmonııany 3 adam juqtyrdy. Koronavırýs pnevmonııasynan 1 adam kóz jumdy.

Jalpy osy kúni koronavırýs ınfektsııasynan –1 214 (KVI+), koronavırýs pnevmonııasynan - 197 (KVI-), barlyǵy 1 411 adam emdelip jatyr. Olardyń ishinde 176 patsıent statsıonarda, 1 235 naýqas ambýlatorııalyq deńgeıde em qabyldaýda.

KVI+, KVI- shaldyqqandardyń arasynda:
- 7 adamnyń jaǵdaıy aýyr,
- 3 patsıenttiń jaǵdaıy óte aýyr,
- 3 naýqas ókpeni jasandy jeldetý apparatyna qosylǵan.