Koronavırýs pnevmonııasyna bir táýlikte 9 adam shaldyqty

NUR-SULTAN. QazAqparat – El óńirlerinde 22 sáýir kúngi táýlik ishinde koronavırýs ınfektsııasynyń belgileri bar pnevmonııanyń 9 jaǵdaıy tirkeldi. Oǵan qosa 31 adam emdelip shyqty. QazAqparat bul týraly COVID-19 taralýyna jol bermeý jónindegi vedomstvoaralyq komıssııa málimetine silteme jasap habarlaıdy.

2020 jylǵy 13 naýryzdan bastap bıylǵy 22 sáýirge deıin koronavırýs pnevmonııasyna shaldyqty – 88 892 adam, jazylyp shyqty – 82 644 adam, qaıtys boldy – 5 353 naýqas.

Aıta keteıik, 21 sáýir kúngi bir táýlikte Qazaqstanda pnevmonııa 8 adamnan anyqtalǵan bolatyn.