Koronavırýs pen tumaýǵa qarsy vaktsınany birge alýǵa bolady – epıdemıolog

ALMATY. QazAqparat - Óńirlik kommýnıkatsııalar qyzmetinde ótken brıfıngte Almaty qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova koronavırýsqa qarsy vaktsına salynsa tumaýdyń vaktsınasyn alýǵa bola ma degen suraqqa jaýap berdi, dep habarlaıdy QazAqparat tilshisi.

«Tumaýǵa qarsy ekpe únemi jasalady. Koronavırýsqa qarsy vaktsınalaý da júrigizilip jatyr. Koronavırýs pen tumaýǵa qarsy vaktsınany bir mezgilde alýǵa bolady. Vaktsınalar deneniń ártúrli bólikterine, ıaǵnı sol jáne oń ıyqqa engiziledi», - dedi ol.

Spıkerdiń sózinshe, koronavırýs ınfektsııa áli bar, sondyqtan COVID-19-ǵa qarsy ekpe alýdy jalǵastyrý kerek. Buǵan deıin Ásel Qalyqova Almatyda tumaýǵa qarsy vaktsınanyń 200 myńnan astam dozasy satyp alynǵany týraly aıtqan bolatyn.