Koronavırýs pen pnevmonııaǵa taǵy 46 adam shaldyqty – mınıstrlik

ASTANA. QazAqparat – Qazaqstanda ótken táýlikte koronavırýs ınfektsııasyna 34 adam shaldyqty. Sondaı-aq 12 adamnan koronavırýs pnevmonııasy anyqtaldy, dep habarlaıdy QazAqparat.

QR Densaýlyq saqtaý mınıstrliginiń deregine sáıkes, 22 qazandaǵy málimet boıynsha, el óńirlerinde koronavırýs ınfektsııasynan 972 adam em qabyldaýda, onyń ishinde koronavırýstan –812 (KVI+) pnevmonııadan 160 (KVI-) adam. 100 patsıent statsıonarda jatsa, 872 naýqas ambýlatorııalyq deńgeıde emdelýde.

KVI+, KVI- shaldyqqandardyń arasynda:

- 2 adamnyń jaǵdaıy aýyr,

- 4 patsıenttiń jaǵdaıy óte aýyr,

- 2 naýqas ókpeni jasandy jeldetý apparatyna qosylǵan.