Koronavırýs: Patsıentte sozylmaly sharshaý sındromy nelikten paıda bolady
«Elimizde postkovıdtik sındrom syndy problemanyń kóterilip, talqyǵa túsip jatqany qýantady. Óıtkeni, qazirgi ýaqytta kún saıyn Covid juqtyrǵan patsıentterdiń sany álemde de, elimizde de artyp kele jatqany belgili. Buǵan qosa, aýrýdybastan keshirgen patsıentterdiń kópshiligi bizde túrli shaǵymmen kelip jatyr. Máselen, taıaýda qabyldaýymyzǵa bir áıel kelip, qalypty ómirge orala almaı júrgendigine shaǵymdanǵan edi. Alaıda, ol ózin ne mazalaıtyndyǵyny túsindirip bere almady», - dedi Mahabbat Bekbosynova.
Onyń atap ótýinshe, Chadera dep atalatyn shkala bar. Atalǵan shkala patsıenttiń jaı-kúıin barynsha jan-jaqty baǵalaýǵa múmkindik beredi.
«Patsıent ózin ne mazalaıtynyn túsindire almaǵan, biraq qalypty ómirge orala almaı júrgenin túsingen kezde sozylmaly sharshaýǵa ushyraǵan deýge bolady. Mine osy kezde atalǵan shkala sol patsıenttiń jaı-kúıin shynaıy baǵalaýǵa múmkindik beredi. Shkalada 11 ball bar. Patsıenttiń jaı-kúıi 3 ballaǵa deıin bolsa, onda qalypty sanalady. Al 4-ten 11 ballǵa deıingi aralyq patsıentte qandaıda bir problemanyń bar ekendigin bildirdi jáne oǵan nevrologqa nemese psıhoterapevtke qaralýy qajet. Shyndyǵyna kelgende bizde koronavırýsty bastan keshirgen patsentterdi tekserý hattama bar. Ol zerthanalyq, sonymen qatar ınstrýmentaldy zertteý ádisterin qamtıdy. Patsıent qanynan jalpy saraptama alamyz. Óıtkeni, qan ımmýndyq júıeniń qandaı jaǵdaıda ekenin jaqsy kórsetip beredi. Leıkopenııa men lımfotsıtopenııa baqylaýynda áli kúnge deıin turǵan patsıentter bar.Koronavırýsty bastan keshirgenderine 2-3 aı ótse de bul patsıenterdiń ımmýndyq júıesinde problema bar degen sóz». - dedi ol.
Sonymen qatar ol patsıentterdiń búıregi men uıqy beziniń, ókpesi men júreginiń qalaı jumys istep turǵandaryn baqylaýǵa arnalǵan saraptamalardyń bıohımııalyq spektri de júrgiziletindigin aıtady. Sozylmaly sharshaý sındromyna shaldyqqan patsıentterde tsıtomegalovırýs pen Epshteın-Barr joǵary bolatyndyǵyna nazar aýdartady.
«Tsıtomegalovırýs pen Epshteın-Barr árbir adamnyń aǵzasynda ómir súretin vırýstar. Immýndyq júıe jaqsy kútsde bolǵan kezde ol bul ınfektsııalardy aǵza ishinde baqylaýda ustap, olardyń tez kóbeıip ketýine jol bermeıdi. Eger ımmýndyq júıe álsirese, sol kezde túrli sımptomdar, sındromdar paıda bolady. Olardyń eń alǵashqysy – bul sozylmaly sharshaý sındromy men sozylmalyqabyný sındromy», - dedi Mahabbat Bekbosynova.
