Koronavırýs: Ózbekstandyqtar sheteldikterdiń vızasynyń merzimin uzartyp jatyr
TAShKENT. QazAqparat – Ózbekstanda júrgen shetel azamattarynyń vızalary avtomatty túrde uzartylýda, dep habarlaıdy QazAqparat tilshisi Ózbekstannyń Syrtqy ister mınıstrliginiń baspasóz qyzmetine silteme jasap.
Atap aıtqanda, COVID-19 vırýsynyń taraýyna baılanysty engizilgen shekteýlerge baılanysty Ózbekstanda arnaıy respýblıkalyq komıssııa osyǵan deıin Ózbekstanda júrgen sheteldikterge berilip, olar óz elderine qaıta almaı qalǵan jaǵdaıda vızanyń merzimin 2020 jyldyń 10 sáýirine deıin avtomatty túrde uzartý jóninde sheshim qabyldady.
Buǵan qosa Ózbekstanda osy elge vızasyz kire alatyn azamattarǵa 2020 jyldyń 10 sáýirine deıin bolýǵa ruqsat etildi. Sáıkesinshe, osy sanattaǵy shetel azamattaryna ákimshilik sharalar qoldanylmaıdy.
