Koronavırýs: Ózbekstanda jyl sońyna deıin turǵyndardyń 80 paıyzy vaktsınalanady
TAShKENT. QazAqparat – Ózbekstanda jyl sońyna deıin koronavırýstan el turǵyndarynyń 80 paıyzyna vaktsına egý josparlanyp otyr. Bul týraly búgin halyqaralyq medıa-holdaǵy ashyq dıalog barysynda Ózbekstan Respýblıkasynyń vıtse-premeri Behzod Musaev málim etti, dep habarlaıdy QazAqparat tilshisi.
Spıker málimetinshe, elde vaktsına alýy tıis 18 jastan asqan 21 mıllıon halyqtyń 60 paıyzy birinshi dozany saldyrtqan.
«Koronavırýspen kúrestiń jalǵyz oryndy ádisi – turǵyndardy vaktsınalaý. Buny azamattarymyz da túsinip otyr. Jyl sońyna qaraı Ózbekstanda vaktsına egilýi tıis halyqtyń 80 paıyzyn qamtý josparlanyp otyr», - dep atap ótti B.Musaev.
Eske sala ketsek, Ózbekstanda ekpe naýqany 1 sáýirde bastalǵan. Vaktsınalaý bes preparatpen júzege asyrylýda, olar: AstraZeneca, ZF-UZ-VAC2001, «Spýtnık-V», Moderna jáne Pfizer.
3 tamyzda respýblıkada jumys isteıtin turǵyndardy mindetti túrde vaktsınalaýdyń quqyqtyq negizin bekitken zań qabyldandy. 29 qyrkúıekten bastap Ózbekstanda 12 jastan asqan balalarǵa Pfizer vaktsınasyn erikti túrde egýge ruqsat etildi.
Mádıbek Jánibekov
