Koronavırýs: Ózbekstanda «jasyl», «sary», «qyzyl» deńgeıler engizilýde
TAShKENT. ÓzA – QazAqparat – Ózbekstanda búginnen bastap koronavırýs anyqtalmaǵan nemese patsıentter tolyq jazylǵan oblystarǵa «jasyl» deńgeı engiziledi. Bul týraly QazAqparat ÓzAA silteme jasap habarlaıdy.
Ózbekstan Prezıdenti Shavkat Mırzıeev koronavırýs pandemııasyna qatysty jıyn ótkizip, turǵyndardy karantın tártibin barynsha qatań saqtaýǵa shaqyrdy.
Jıynda Shavkat Mırzıeev Respýblıkalyq komıssııaǵa karantınniń deńgeıi boıynsha qalalar men aýdandardy jikteýge tapsyrma bergenin aıtty.
Osyǵan sáıkes eldiń Respýblıkalyq komıssııasy 8 mamyrdan bastap koronavırýs anyqtalmaǵan nemese patsıentter tolyq jazylǵan Navoııs, Djızaksk jáne Kashkadarıns oblastaryna «jasyl» deńgeı engiziletinin habarlady.
«Ár adam karantın rejımin, sanıtarlyq jáne gıgıena talaptaryn qatań saqtaýy kerek jáne oǵan mindetti. Sonymen qatar, «sary» jáne «qyzyl» deńgeıdegi óńirlerde koronavırýs anyqtalmaǵan aýdandar bar ekenin eskerý qajet. Sondaı-aq, erteń «jasyl» deńgeıdegi óńirden vırýs anyqtalsa barlyq óńirdegi jaǵdaıdy ózgertýdiń qajeti joq», - dedi Shavkat Mırzıeev.
