Koronavırýs oıdan shyǵarylǵan indet emes – Eljan Birtanov
«Aqtaeva Lázzat Meırashqyzyna jáne elimizdiń jetekshi medıtsına qyzmetkerlerine, barlyq áriptesimizge koronvırýs ınfektsııasyn dıagnostıkalaý men emdeýdiń tıimdi ár sátti qoldanylǵan klınıkalyq hattamasyn ázirlegenderi úshin rızashylyq bildiremin. Elimizdiń ártúrli óńirindegi indetpen qazirgi ýaqytta kúresip jatqan barlyq áriptesimen rahmet. Іndet oıdan shyǵarylmaǵan, ol ókinishke qaraı áli de jalǵasýda. Biraq, medıtsına qyzmetkerleriniń, sonymen qatar elimizdiń densaýlyq saqtaý júıesiniń túrli ýchaskelerin basqaryp júrgen áriptesterimniń janqııarlyq eńbeginiń arqasynda ázirshe indet baqylaýda tur. Sondyqtan da barlyqtaryńyzdan parasatty bolýdy, medıtsına qyzmetkerleri men bıliktiń usynystaryn oryndaýdy taǵy da ótinemin. Bul májbúrli ýaqytsha shekteýler», - dep jazdy Eljan Birtanov Facebook paraqshasynda.
Aıta keteıik, QR Densaýlyq saqtaý vıtse-mınıstri Lázzat Aqtaeva Facebook paraqshasynda COVID-19-ǵa qarsy ımmýndy plazma tehnologııasyn jaǵdaıy aýyr patsıentterge qoldaný maquldanyp, ol koronavırýs ınfektsııasy boıynsha qazaqstandyq klınıkalyq hattamaǵa qosylǵanyn, KVI aýyrýyn jeńgen 18 jasta tolǵan adamdar ǵana donor bola alatyndyǵyn jazǵan edi.