Koronavırýs órshýinen jaltara almaımyz - sarapshy pikiri
«Sońǵy birneshe apta boıy ahýal birshama turaqty bolyp tur. Mundaı jaıt qaýipsizdik sharalaryn saqtaýdy baqylaýǵa alýmen baılanysty sııaqty. Qazaqstannyń soltústiginde ahýaldyń aıtarlyqtaı turaqtanǵanyn baıqap otyrmyz. Degenmen, jeltoqsannyń sońy men qańtardyń basynda koronavırýstyń órshýinen jaltara almaıtyn sııaqtymyz. Óıtkeni, tyıym sharalaryn buzý kóp kezdesýi yqtımal. ıAǵnı adamdar jańajyldyq merekelerdi atap ótýge tyrysary anyq», - dedi Vıacheslav Lokshın.
Onyń aıtýynsha, qazirgi ýaqytta áleýmettik araqashyqtyqty barynsha saqtap, maska taǵý, gıgıenalyq saqtyq sharalaryn múltiksiz oryndaý mańyzdy mindet sanalady.
«Ókinishke qaraı, kópshilik muny saqtaı bermeıdi. Sol sebepti halyqqa únemi júginip, qaýipsizdik sharalaryn saqtaý mańyzdyǵyn túsindirip otyrǵan jón. Eýropada, Reseıde ahýaldyń qalaı boljap bolmaıtyn jaǵdaıda damyǵanyn, órshigenin kórip otyrmyz. Mine, osyǵan baılanysty aýrý juqtyrýdyń ósimi qalaı desek te qańtardyń basynda nemese jeltoqsannyń sońynda artýy múmkin. Biraq, bári tikeleı ózimizge baılanysty. Eger barynsha qatań sharalarmen adamdardyń ózara baılanysyn shekteı alsaq, onda pandemııa tolqyny barynsha jumsaq óteri anyq. Buǵan qosa, maýsym-shilde aılarynda aýrýdyń resmı tirkelgen kórsetkishten 10 ese joǵary bolýy esebinen ujymdyq ımmýnıtet birtindep qalyptasyp kele jatyr. Ol kezde adamdardyń basym bóligi aýryp qalsa da medıtsınalyq kómekke júginbedi, tipti tekserýden de ótpedi. Úılerinde em aldy», - dedi sarapshy.
Sonymen qatar Qazaqstannyń reprodýktıvti medıtsına qaýymdastyǵynyń prezıdenti halyqty jappaı vaktsınatsııalaýǵa qatysty pikirimen bólisti.
«Vaktsınatsııanyń birtindep bastalýy óte jaqsy. Biraq, vaktsınaǵa qatysty týyndap otyrǵan másele óte kóp. Vaktsına salynǵan kezeńde jáne onyń áseri bastalǵan ýaqytta adamdardyń aýyryp qalǵan jaǵdaılary boldy. Demek, bul problemany tez arada sheshý emes. Árıne, vaktsına jaqsy. Biraq, qandaı vaktsınanyń barynsha sapaly ekendigin ýaqyt kórsetedi. Ázirshe reseılik vaktsına birneshe ondaǵan myń adamǵa ǵana egilgen. Alaıda, bul vaktsınanyń jaqsy, tıimdi ekendigin tolyqtaı túsinýge jetkiliksiz. Reseıde Chýmkov atyndaǵy ortalyq úshinshi vaktsına daıyndap jatyr. Pfizer óz vaktsınasyn Qazaqstanda tirkeýge úmitti. Menińshe, 2021 jyldyń jaz aılaryna qaraı ahýal turaqtanatyn bolady. Vaktsınatsııalaý eń aldymen dárigerlerge, qart adamdarǵa júrgiziledi. Al bul óte jyldam oryndalatyn jumys emes. Óıtkeni, sóz mıllıardtaǵan adamnyń ómiri jaıynda bolyp otyr. Sondyqtan arqany keńge salyp, erkinsýge bolmaıdy», - dedi Vıacheslav Lokshın.
