Koronavırýs: Oralda úsh adam jansaqtaý bóliminde jatyr
ORAL. QazAqparat – Oralda koronavırýsqa shaldyqqan úsh adam aýyr halde, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, úsheýi de jansaqtaý bóliminde jatyr.
Oblystyq aýrýhanada barlyǵy 147 adam em qabyldaýda. Taǵy 20 adam Báıterek aýdanynda emdelýde.
Degenmen búgin 16 adam jazylyp shyqty, sonyń 10-y – Oral qalasynan, bireýi – Shymkentten, qalǵandary – oblys aýdandarynan.
Osylaısha óńirde saýyqqandar sany 242 adamǵa jetti.
Eske sala keteıik, budan buryn Oral qalasynda balabaqshalardyń qyzmeti qaıtadan toqtap qalǵanyn jazǵan bolatynbyz.
