Koronavırýs: Oralda naýqas adam turǵan úıden karantın alyndy
ORAL. QazAqparat – Oralda koronavırýs juqtyrǵan adam turǵan úıden karantın alyndy, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń aıtýynsha, naýqas turǵan úıden 8 adam karantınge jatqyzylyp, 42-si úıde oqshaýlanǵan edi.
Naýqaspen tikeleı qarym-qatynasta bolǵan segiz adamǵa qatysty koronavırýstyń bar-joǵyn anyqtaıtyn test teris nátıje kórsetkendikten, búgin úıden karantındi alý jóninde sheshim qabyldandy.
«Atalǵan kóppáterli turǵyn úıdiń barlyq kireberisine dezınfektsııa júrgizildi. Degenmen turǵyndar sanıtarlyq talaptar men jeke bas gıgıenalaryn saqtaýǵa mindetti», dedi N.Mustaev.
Al koronavırýs juqtyrǵan ekinshi áıel turǵan Aqsaıdaǵy kóp páterli úı áli de karantınde. Onda alty adam úıde oqshaýlanýda.
«Qazirgi kezde naýqastardyń ekeýi de oblystyq juqpaly aýrýlar aýrýhanasynda, jaǵdaılary qalypty. Oblysta barlyǵy 93 adam karantınde jatyr. Oǵan qosa 792 adam úılerinde oqshaýlanǵan», dedi QazAqparat tilshisine Nurlybek Mustaev.
Eske sala keteıik, budan buryn BQO-da karantınnen qashqan adamǵa aıyppul salynyp, shekteý sharalary kúsheıtilgenin jazǵan bolatynbyz.
