Koronavırýs: Ońtústik Koreıada klýbtar men barlar qaıta jabyldy
NUR-SULTAN. QazAqparat – Ońtústik Koreıada koronavırýsty juqtyrǵandar sanynyń ósine baılanysty klýbtar men barlar qaıta jabyldy. Bul týraly QazAqparat Jedel shtabtyń telegram kanalyna silteme jasap habaraıdy.
Karantın rejımin jeńildetken Ońtústik Koreıa azamattardy oqshaýlaýdyń qatań sharalaryna qaıta oralady.
Qazir bul elde «áleýmettik qashyqtyq» rejımi áreket etip tur. El astanasynda karantınnen keıin jumys isteýge ruqsat etilgen túngi klýbtar men barlar qaıta jabylady.
Seýl bıligi sońǵy ýaqyttarda koronavırýsty juqtyrǵandar sanynyń edáýir artýyna baılanysty barlyq kóńil kóterý oryndarynyń jumysyn shuǵyl toqtatý týraly sheshim qabyldady.
24 saǵat ishinde Ithevon aýdanynda koronavırýsty juqtyrǵan 18 adam anyqtaldy. Sonymen qatar 17 adamnyń bári bir adamnan juqtyrǵany belgili boldy.
Vırýsty juqtyrǵan adammen bir jarym myń adamǵa deıin baılanysta bolýy múmkin dep boljanýda. Qala meri mamyr aıynyń basynda Ithevondaǵy klýbtarǵa barǵandardyń barlyǵyn koronavırýsqa test tapsyryp, úıden shyqpaýǵa shaqyrdy. Ońtústik Koreıada vırýsty juqtyrǵandar sany 11 myńǵa jaqyndap qaldy.
