Koronavırýs: Ońtústik Koreıa Seýl mektepterinde oqýshylar sanyn qysqartady
SEÝL. QazAqparat – Ońtústik Koreıa úkimeti logıstıkalyq ortalyqtardy jan-jaqty tekserýden ótkizip, Seýl qalasynda mektep oqýshylarynyń sanyn shekteıdi. Bul týraly QazAqparat Yonhap agenttigine silteme jasap habarlaıdy.
Eldiń bilim berý mınıstrligi koronavırýstyń qaıta taralýyna qarsy saqtandyrý sharasy retinde Ońtústik Koreıa astanasyndaǵy mektep oqýshylarynyń sanyn shekteýdi josparlap otyrǵanyn málimdedi.
Bastaýysh mektepte oqıtyn balalar sany jalpy sanynyń úshten biri, al orta synyptaǵy oqýshylardyń úshten eki bóligine deıin qysqartylýy tıis, dep málimdedi bilim vıtse mınıstri Pak Beg-bom baspasóz konferentsııasy kezinde.
Oqýshylar sanyn qysqartý jospary tek el astanasyndaǵy oqýshylarǵa ǵana tıisti bolady.
Eske sala ketsek, bul sheshim densaýlyq saqtaý organdarynyń bir kúnde koronavırýs juqtyrýdyń 58 jańa oqıǵasy týraly habarlamasynan keıin qabyldandy. Bul sońǵy eki aıda indet juqtyrýdyń eń joǵary kórsetkishi bolyp otyr. Barlyq oqıǵalar el astanasynda tirkelgen.
