Koronavırýs: Olımpıada alaýy estafetasyna qatysýshylardyń temperatýrasy únemi tekseriledi

NUR-SULTAN. QazAqparat – Koronavırýstyń órshýine baılanysty Tokıodaǵy jazǵy Olımpıada oıyndarynyń uıymdastyrýshylary olımpıada alaýy estafetasyn shekteıdi, dep habarlaıdy QazAqparat Kyodo agenttigine silteme jasap.

Estafetaǵa arnalǵan sharalar qysqarady, onyń kezeńderinde qarapaıym kórermender shekteledi, jarysqa qatysýshylardyń temperatýrasy únemi tekseriledi. Eger qandaı da aýrý belgileri tabylsa, olar jarysqa qatyspaıdy.

Olımpıada alaýy estafetasy 26 naýryzda Fýkýsıma prefektýrasynda fýtbol jattyǵý ortalyǵynda bastalyp, 24 shildede Tokıoda Oıynnyń ashylý kúninde aıaqtalýy tıis.

Olımpıada alaýyn jaǵý, sondaı-aq Grekııadaǵy estafeta josparlanǵan stsenarıımen ótedi. Alaıda, koronavırýs epıdemııasyna baılanysty qaýipsizdik sharalary saqtalady. Alaýdy tutandyrý saltanatynyń basty daıyndyǵy kórermendersiz ótedi, al ashylýda qonaqtardy qabyldaý toqtatylady.

Qazirgi ýaqytta Japonııada myńdaǵan adam koronavırýsqa shaldyqqan, sonyń ishinde 706-sy Diamond Princess krýızdik laıneriniń ekıpaj músheleri men jolaýshylary bolǵan. 12 adam kóz jumdy.