Koronavırýs: Nur-Sultanda 50 naýqas jasandy ókpe jeldetý apparatyna qosylǵan
NUR-SULTAN. QazAqparat – Nur-Sultanda koronavırýs ınfektsııasyn juqtyrǵandar sany úsh esege artty, 50 naýqas jasandy ókpe jeldetý apparatyna qosylǵan, dep habarlaıdy QazAqparat tilshisi.
Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova málimdedi.
«Búginde qalada 3 348 koronavırýs ınfektsııasy aýrýy tirkeldi, onyń ishinde ótken aptada 587 jaǵdaı tirkeldi. Bul kórsetkish aldyńǵy aptaǵa qaraǵanda 21 paıyzǵa kóbeıdi. Kúndelikti ósim – 3 paıyz, 2 291 naýqas jazylyp shyqty», - dedi spıker Ortalyq kommýnıkatsııalar qyzmetinde ótken onlaın brıfıngte.
Búgingi kúni aýrýhanada 2 610 naýqas jatyr, bul – aldyńǵy aptamen salystyrǵanda úsh ese kóp. Onyń ishinde pnevonııamen aýyratyndar sany – 92 paıyzdy quraıdy.
«Búginde aýrýhanadaǵy 126 naýqastyń jaǵdaıy turaqty, 50 naýqas nemese 40 paıyzy ókpeni jasandy jeldetý apparatyna qosylǵan. 12 maýsymnan bastap, medıtsınalyq uıymdardaǵy tósek-oryn sany qaıta qarastyrý arqyly 825-ke deıin jetkizildi. Sonymen tósek-oryn 53 paıyzǵa deıin ulǵaıtyldy», - dedi Sáýle Qısyqova.
