Koronavırýs: Nur-Sultanda 12 naýqas aýyr halde jatyr
NUR-SULTAN. QazAqparat - Elordada koronavırýs ınfektsııasyn juqtyrǵan 12 naýqas aýyr halde jatyr, onyń tórteýi ókpeni jasandy jeldetý apparatyna qosylǵan, dep habarlaıdy QazAqparat tilshisi.
Bul týraly qalalyq Qoǵamdyq densaýlyq saqtaý basqarmasynyń basshysy Sáýle Qısyqova aıtyp berdi.
«Qazirgi ýaqytta Elordada ınfektsııa juqtyrǵandar sany 264 adamǵa jetti. Onyń 48% - er, 52% - áıelder. Onyń 25% nemese 63 naýqas emdelip shyqty. Ásirese, jazylǵandar arasynda 2 bala jáne 60 jastan asqan 4 adam, 80 jastaǵy azamatsha bar», - dedi basqarma basshysy «Habar 24» telearnasyndaǵy brıfıngte.
Sonymen qatar, 12 naýqas aýyr halde, onyń 4 ókpeni jasandy jeldetý apparatyna qosylǵan.
«Bekitilgen hattamaǵa sáıkes, naýqastarǵa tıisti em-dom júrgizilýde. Basqa naýqastardyń jaǵdaıy qalypty», - dedi Sáýle Qısyqova.
Buǵan deıin basqarma basshysy Nur-Sultanda koronavırýs ınfektsııasynan qaıtys bolǵan adam týraly aıtyp bergen edi.
9-13 sáýir aralyǵynda Nur-Sultan qalasynda 4 766 adamǵa ekspress- testileý júrgizilip, 61 adam aýrýhanaǵa jatqyzylǵan .
Jalpy respýblıka boıynsha koronavırýs ınfektsııasyn juqtyrǵan 1179 naýqas tirkeldi.
