Koronavırýs Norvegııaǵa jetti
OSLO. QazAqparat – Norvegııada koronavırýs juqtyrýdyń alǵashqy jaǵdaıy rastaldy, dep habarlaıdy QazAqparat.
Ony 26 aqpan kúni keshke eldiń densaýlyq saqtaý mınıstri Bent Hoıe rastaǵan bolatyn. Vırýs juqtyrǵan patsıent - Norvegııanyń soltústiginde ornalasqan Tromse qalasynyń turǵyny. Kelinshek demalys kúnderi Qytaıdan oralǵan.
«Jeke tekserýden keıin synama alyndy, onyń birinshisi teris nátıje kórsetti, biraq sońǵysy az mólsherde oń nátıje kórsetti», - dedi Norvegııanyń qoǵamdyq densaýlyq saqtaý (FHI) departamentiniń ókili Laın Vold Osloda ótken shuǵyl baspasóz konferentsııasynda.
Onyń aıtýynsha, qazirgi ýaqytta koronavırýs juqtyrǵan áıel úı jaǵdaıyndaǵy karantınge jiberilgen, onyń jaǵdaıy jeńil aýrý retinde baǵalandy.
Departament ókilderi onyń basqa adamdarǵa juqtyrý yqtımaldyǵy tómen ekenin atap óte otyryp, kelinshektiń Norvegııaǵa kelgennen keıin baılanysta bolǵan adamdaryn anyqtaýda.
Sondaı-aq L.Vold ınfektsııa juqtyrýdyń jańa jaǵdaılary bolsa, olar da shuǵyl karantınge jiberiletinin aıtty.
Avtor: Іlııas Omarov
