Koronavırýs: Norvegııa Parlamenti issaparlarǵa shyqpaıtynyn málim etti
OSLO. QazAqparat – Norvegııada sońǵy eki táýlikte koronavırýsty juqtyrý faktileriniń sany úsh esege artty. Aldyńǵy kúni ǵana «COVID 19»-ǵa shaldyǵýdyń 33 jaǵdaıy tirkelgen bolsa, búgin olardyń sany 89-ǵa jetti, dep habarlaıdy QazAqparat.
Qoǵamdyq densaýlyq saqtaý departamenti 5 naýryz kúni jarııalaǵan málimetke sáıkes, jańa vırýs Norvegııaǵa negizinen Italııadan kelgen, sondaı-aq koronavırýsqa shaldyqqandar úıdegi karantın talaptaryn durys saqtamaýdan órshigen.
Norvegııanyń densaýlyq saqtaý mekemeleri aldaǵy ýaqytta ınfektsııanyń taralýy jańa kezeńge ótetinin joqqa shyǵarmaıdy. Olardyń paıymynsha, bul kezeńde vırýstyń odan ary taralýynyń aldyn alý úshin anaǵurlym túbegeıli sharalar qajet bolýy múmkin.
Norvegııanyń Bilim jáne ǵylym mınıstrligi mektepterdiń bilim berý protsesine engizilgen ózgeristerdi málim etti. Al Parlament tóraǵasy aldaǵy eki aıǵa el ishinde jáne shetelge josparlanǵan barlyq issaparlarǵa tyıym saldy. Budan bólek, aldaǵy demalys kúnderi belgili Holmenkollen shańǵy-tramplın kesheninde uıymdastyrylatyn shańǵy jarysynan Álem kýbogy kezeńi kórermendersiz ótetini sheshilgen.
