Koronavırýs: Nıderlandta polıtsııa úılený toıyn toqtatty
BRıÝSSELЬ. QazAqparat – Senbi keshinde Nıderland polıtsııasy 100-den astam adamnyń qatysýymen ótken úılený toıyn toqtatty, dep habarlaıdy QazAqparat NLTimes agenttigine silteme jasap.
Otbasylyq shara eldiń shyǵysyndaǵy Drýten qalasynda ótti. Buǵan deıin Nıderland bıligi COVID-19 koronavırýsynyń taralýyna jol bermeý úshin 100-den astam adamnyń qatysýymen ótetin kópshilik is-sharalardy ótkizýge tyıym salǵan.
Alaıda, toı uıymdastyrýshylary qonaqtar sanyn qysqartqan soń polıtsııa sharany jalǵastyrýǵa ruqsat berdi. Endi olar aıyppul tólep qutylady nemese ózge de jaýapqa tartylýy múmkin.
Atap óteıik, jeksenbi kúni Nıderland úkimeti koronavırýsty toqtatý boıynsha qosymsha is-sharalardy qabyldady. Endi mektepter men balalar mekemeleri 6 sáýirge deıin jabylady. Sondaı-aq qoǵamdyq tamaqtaný oryndary, sporttyq klýbtar da jumysyn toqtatady.
Jeksenbide el bıligi koronavırýs juqtyrǵandar sany 1135 adamǵa jetkenin habarlaǵan. Qazirgi kezde Nıderlandta qaýipti vırýstan kóz jumǵandar sany – 20 adam.
