Koronavırýs naýqastary artqan Qaraǵandy oblysynda turǵyndarǵa úndeý jasaldy

QARAǴANDY. QazAqparat – Qaraǵandy oblysy ákiminiń densaýlyq saqtaý jónindegi shtattan tys keńesshisi Erjan Nurlybaev óńir turǵyndaryna úndeý joldady. Ol aımaqta KVI jaǵdaılary artyp otyrǵanyn habarlady. Bir apta ishinde dertti juqtyrý 157 adamǵa kóbeıgen. Bul negizinen 18 jastan 60 jasqa deıingi adamdar, olardyń 65% indettiń belgileri bar.

Epıdjaǵdaıdy taldaý ınfektsııanyń negizgi donatorlary úı oshaqtary bolyp tabylatynyn kórsetedi.

Infektsııanyń taralýyn boldyrmaý úshin patsıentterdi aýrýhanaǵa jatqyzý kórsetkishteri keńeıtildi. Barlyq naýqastar, tipti ınfektsııany ońaı ótkeretinder de táýlik boıy baqylaýǵa jiberiledi.

«Búgingi tańda statsıonarlarda 600 patsıent em alýda. Biz buryn konservatsııalanǵan statsıonarlardy qatarǵa engize otyryp, aýyrlyǵy ártúrli dárejedegi KVI bar naýqastardy emdeý úshin tósek qoryn ulǵaıtý boıynsha sharalar qabyldaımyz. Osy aptada kásiptik aýrýlar ınstıtýtynyń ǵımaratynda medýnıversıtettiń gospıtali ashylady. Sodan keıin patsıentterdi Ohotskaıa kóshesindegi ınfektsııalyq statsıonar da qabyldaı bastaıdy», - dedi Erjan Nurlybaev.

Sondaı-aq, shtattan tys keńesshi óńirde vaktsınatsııa jalǵasyp jatqanyn eske saldy. 6 myń medıtsına qyzmetkeri, myńnan astam pedagog, TJ qyzmetiniń 300 qyzmetkeri ekpe aldy. Turǵyndardy erikti vaktsınalaý da bastaldy. Qazirdiń ózinde 200-den astam adam egildi.

Birinshi sáýirde oblysqa «Spýtnık V» vaktsınasynyń jańa partııasy keledi. Ol aýyldyq jerlerge baǵyttalady.

«Qurmetti oblys turǵyndary! Alda bizdi uzaq merekeler kútip tur. Osyǵan baılanysty biz sizderden otbasylyq merekeler men qonaqqa barýdan bas tartýdy suraımyz. Adamdar kóp jınalatyn jerlerge barýdan aýlaq bolyńyzdar, qoǵamdyq kólikte maska kıińizder. Óz densaýlyǵyńyzdy qorǵańyzdar!» - dep Erjan Nurlybaev halyqqa úndeý joldady.