Koronavırýs: Naýqastar sany eń az jáne eń kóp óńirler
NUR-SULTAN. QazAqparat – Mamyr aıynyń alǵashqy 10 kúninde koronavırýs ınfektsııasyn juqtyrýdyń eń kóp jaǵdaıy Almaty qalasynda tirkeldi, dep habarlaıdy QazAqparat coronavirus2020.kz Telegram-kanalyna silteme jasap.
Mamyrdyń alǵashqy 10 kúninde (1 mamyr saǵat 00.00-den 10 mamyr saǵat 19.30-ǵa deıin) Qazaqstanda koronavırýske 1674 adam shaldyqty. Jazylyp shyqty – 1035, qaıtys boldy - 6 adam.
10 kúndegi ortasha ósim 4,5% qurady. Eń kóp naýqas Almaty qalasynda tirkeldi – 527. Nur-Sultan qalasynda – 421, Atyraý oblysynda – 159, Batys Qazaqstan oblysynda – 98 jáne Mańǵystaý oblysynda 72 naýqas jańadan anyqtaldy.
Koronavırýs juqtyrýdyń eń tómen kórsetkishi kelesi óńirlerde boldy: Soltústik Qazaqstan oblysynda – 4, Aqmola oblysynda – 10, Qostanaı oblysynda – 11, Pavlodar oblysynda – 25, Qyzylorda oblysynda – 28.
10 mamyr saǵat 19.30-daǵy sońǵy málimet boıynsha, elimizde KVI barlyǵy 5076 adamnan anyqtaldy. Onyń ishinde 1901- i – jazyldy, qaıtys boldy 31 adam. 3144 adam emderin jalǵastyrýda.
Óńirler boıynsha jazylyp shyqqandardyń eń kóp sany Almaty qalasynda – 418 (21,9%). Odan keıingi oryndarda Nur-Sultan qalasy – 395 (20,8%), Qyzylorda oblysy - 159 (8,4%), Shymkent qalasy - 127 (6,7%) jáne Batys Qazaqstan oblysy 96 (5,1%) tur.
Almaty qalasy emderin jalǵastyryp jatqan naýqastardyń sany boıynsha da aldyńǵy orynda – 1160. Sondaı-aq 671 naýqas - Nur-Sultan qalasynda, 207 naýqas – Atyraý oblysynda, 148 naýqas – Batys Qazaqstan oblysynda jáne 118 naýqas Almaty oblysynda em-dom qabyldaýda.
Osy ýaqytta naýqastar sany eń az óńirler: Soltústik Qazaqstan oblysynda – 5, Aqmola oblysynda – 19, Qostanaı oblysynda – 33, Shyǵys Qazaqstan oblysynda – 38 jáne Qyzylorda oblysynda 70.
