Koronavırýs: Naýqas Jambyl oblysyna elordadan barǵan
TARAZ. QazAqparat – Jambyl oblysynda koronavırýs indetin juqtyrǵan naýqas Nur-Sultan qalasynan kelgen, dep habarlaıdy QazAqparat coronavirus2020.kz saıtyna silteme jasap.
6 sáýir kúni Jambyl oblysynda ınfektsııany juqtyrýdyń taǵy bir jaǵdaıy anyqtalǵanyn buǵan deıin jazǵan bolatynbyz.
«Іndetke shaldyqqan naýqas 1992 jylǵy Nur-Sultan qalasynyń turǵyny. Jeke kóligimen Taraz qalasynda turatyn ata-anasyna kelgen.
5 sáýir kúni JRVI belgilerimen provızorlyq statsıonarǵa jatqyzylǵan. Koronavırýsqa tapsyrǵan laboratorııalyq taldaý oń nátıje kórsetti.
Naýqaspen baılanysta bolǵan adamdardyń barlyǵy anyqtalyp, karantındik statsıonarǵa jatqyzyldy. Olardyń jaǵdaıy qanaǵattanarlyq, shaǵym joq.
Mekenjaı oshaǵy men barǵan jerlerine dezınfektsııa jumystary júrgizildi», - delingen aqparatta.
Aıta keteıik, Jambyl oblysynda vırýsty juqtyrǵandar sany 29 adamǵa jetti.
