Koronavırýs: Nıý-Iorkte mektepter men meıramhanalar jabyldy

NUR-SULTAN. QazAqparat – Nıý-Iorkte koronavırýstyń taralýyn toqtatý maqsatynda mektepter men meıramhanalar jabyldy, dep habarlaıdy VVS.

«Qalany qaýipten qorǵaý úshin jyldam áreket etýimiz kerek», - dedi qala bıligi.

Basylymnyń habarlaýynsha, AQSh Eýropa elderine barýǵa salǵan tyıymdy keńeıtip, bul memleketterdiń qatarynda Ulybrıtanııa men Irlandııa Respýblıkasyn qospaq.

«AQSh-ta koronavırýstan 69 adam qaza tapty. Jalpy ınfektsııa juqtyrǵandar sany 3774 adamǵa jetti», - dep jazady avtor.

Onyń aıtýynsha, 8 mıllıonnan astam turǵyny bar Nıý-Iork qalasynda atalǵan indetten 5 adam qaza tapqan.

«Nıý-Iorkte mektepter dúısenbiden bastap jabyldy. Ondaǵan mıllıon adam úıde bolady. Bul turǵyndardyń alańdaýshylyǵyn arttyrdy, sebebi balasy barlarǵa jumys ornynan eshqandaı jeńildikter qarastyrylmaǵan», - dep jazady avtor.