Koronavırýs mýtatsııaǵa ushyraýy múmkin - mınıstrlik
NUR-SULTAN. QazAqparat – Densaýlyq saqtaý mınıstrligine qarasty Ulttyq qoǵamdyq densaýlyq saqtaý ortalyǵynyń dırektory Damır Kópjasarov COVID-19 – koronavırýstyń mýtatsııaǵa ushyrýy múmkin ekenin málim etti, dep habarlaıdy QazAqparat tilshisi.
«Halyqaralyq jáne qazaqstandyq epıdemıologtardyń baǵalaýynsha, koronavırýsta tsırkýlıatsııa bolady. Sonymen qatar koronavırýstyń bul túri mýtatsııalanatyndaı sıpatqa ıe. ıAǵnı qandaı da bir mýtatsııaǵa ushyraýy múmkin», - dedi Damır Kópjasarov onlaın rejımde ótken baspasóz máslıhatynda.
Ol sonymen qatar koronavırýsty aldyn alýdyń negizgi kezeńderi týraly da aıtyp berdi.
«Koronavırýstyń aldyn alýdyń kezeńderine keler bolsaq, birinshi kezeń – syrtqy qadaǵalaý, ekinshisi – ishki qadaǵalaý bolsa, úshinshisi – karantın sharalary. COVID-19 – koronavırýstyń jańa shtammy. Onyń toby kóp. Alaıda dál osy COVID-19 túri birinshi ret tirkelip otyr. Sol sebepti dál osy ınfektsııany aldyn alýdyń birden-bir joly – karantın sharalary. Dál qazirgi ýaqytta karantın sharalary osy indetten bizdi saqtandyrady», - dedi spıker.
Ortalyq dırektory sondaı-aq Qazaqstandaǵy shekteý sharalarynyń arqasynda vırýsty jappaı juqtyrý jaǵdaıy tirkelmegenin málim etti.
«Infektsııa taralý barysy baqylaýda. Epıdemıologııalyq qadaǵalaý júıesi men men SEQ ınfektsııany qadaǵalap otyr. Tórtinshi kezeń – karantınnen keıingi ýaqyt bolmaq. Onyń negizinde biz epıdemıologııalyq ahýalǵa baılanysty shekteý sharalaryn birtindep ala bastaımyz. Karantınnen keıingi kezeńde halyqtyń belgili bir tobynyń ishinen juqtyrý jaǵdaılaryn anyqtaýǵa baǵyttalady. Testileýden ótkizýden bas tartpaımyz. Juqtyrǵan jaǵdaılar anyqtalady. Sebebi juqtyrǵandardyń 60 paıyzy aýrýǵa shaldyqqandaryn sezbeıdi de. Mine Qazaqstan osy tórt kezeń boıynsha vırýs qaýpin tosqaýyl qoıýǵa kúsh salady», - dedi Damır Kópjasarov.
