Koronavırýs moraldyq normalardy ózgertip jatyr - Gazeta Wyborcza
NUR-SULTAN. QazAqparat - «Qoldy jıi jýý? Jer sharynyń eki mıllıard turǵyny sýǵa qol jetkize almaı otyr. Áleýmettik qashyqtyq? Bosqyndar lagerlerinde 70 mln adam bar. Maska? Maska baı memleketterdiń ózinde jetispeı jatyr. Bosqyndar medıtsınalyq kómekke qol jetkize almaı otyr. Al Eýropa tek qana óz qamyn oılaýda. Koronavırýs moraldyq normalardy ózgertip jatyr», dep jazady Polshanyń tanymal basylymy Gazeta Wyborcza.
Maqala avtorynyń aıtýynsha, koronavırýs paıda bolǵaly bosqyndar taqyryby múldem aıtylmaı, mıgratsııalyq krızıs BAQ betterinen joǵalyp ketken.
«Daǵdarys únemi osylaı bolady. Ol joǵalmaıdy, ony qaýiptirek jáne jyldam áreket etýdi talap etetin basqalary almastyrady. Qazir vırýstyń keń taralýynan shekaralar jabyldy. Ásirese, bosqyndardyń qozǵalysy tyıyldy. Degenmen, olar medıtsınalyq kómekke qol jetkize almaıdy. Sondyqtan da olar Eýropaǵa ótkisi keledi. Ózderi aman qalmasa da, balalaryn saqtap qalǵysy keledi. Al Eýropa vırýstan saqtaný úshin bosqyndardy da kirgizbeıtini túsinikti», - delingen basylymda.
BUU pandemııa kezinde bosqyndarǵa kómektesetin qor qurý úshin 1,5 mlrd dollar jınaýǵa shaqyrdy. Bir jaǵynan bul teńiz tamshysyndaı bolǵanymen, qazir ekonomıkasy turalap turǵan elder úshin edáýir salmaq. Sonymen qatar memleketter óz azamattaryn qutqarýǵa qarjy salyp jatqanyn da eskersek, BUU-nyń bul málimdemesi eskerýsiz qalýy múmkin.
