Koronavırýs: Mekkeden kelgen Qaskeleń turǵyny aıyǵyp, úıine shyqty
TALDYQORǴAN. QazAqparat - Almaty oblysynda koronavırýstan jazylyp, aýrýhanadan shyqqan naýqas úsh apta boıy em qabyldaǵan, dep habarlaıdy QazAqparat coronavirus2020.kz resýrsyna silteme jasap.
20 naýryz kúni koronavırýs dıagnozymen túsken azamat Qaskeleń qalalyq ınfektsııalyq aýrýhanasynda tolyq em alyp, úıine shyǵaryldy.
Qarasaı aýdany Qyrǵaýyldy aýylynyń turǵyny 1985 jyly týǵan azamat 17 naýryzda Mekkeden Túrkııa men Qyrǵyzstan elderi arqyly Almatyǵa kelgen.
Emdelýshige 8 sáýirde jasalǵan qaıta taldaý nátıjesi teris ekenin kórsetken.
Patsıentpen qarym-qatynas jasaǵan 2 azamat pen olardyń otbasy shuǵyl oqshaýlanyp, dárigerler baqylaýyna alynǵan. Taldaý qorytyndysy teris.
